Kerstviering Zonnebloem afdeling Elsloo 2015

Kerstmis 2015 werd voor onze gasten feestelijk opgeluisterd met kerstmuziek door Popkoor Escolum o.l.v. Mischa Hendriks uit Elsloo en de Krijgershofzengers uit Neerbeek.

Voor aanvang van de optredens las onze penningmeester onderstaand gedicht voor. 

Refrein

Alles haet zien doel, alles haet zien wert
Geneit van elk seizoen tösje hemel en aert

1. Is get jongs bie uch in de femieje gebaore
   Of höb geer dit jaor eine dierbare verlaore
   Höb geer motte lache of höb geer motte treure
   Dat kan allemaol in ein jaor gebeure.
2. Zeet geer krank gewaes of gezondj gebleve
   Uchzelf gewaes of höb geer zaken euverdreven
   Emes de rök toegedreijd of sjus eine sjouwerklop gegaeve
   Emes in de erm gepak om saame sjoon denger te belaeve
3. Höb geer dit jaor in de postcode gewonne
   Of waore dat allein mer lochballone
   En es geer hat gewonne höb geer auch aan angere gedach
   Want geldj allein maakt niet gelökkig weurt waal ens gezag.
4. Kalle euver vluchtelinge is ein belade thema
   Of men dat deit in de kirk, het MLC of bie de Hema
   Mer mot veer neit komme tot ´t besef
   Vruiger waor ´t Jozef en Maria en noe hit er Youssef.
5. Dae Youssef wiet van hoes en haard
   Dae elendj blif os toch mer sjoon bespjaard
6. Kritiek op ´t vluchtelingeprobleem hauf veer neit te versjuule
   Mer zek ens eerlik: zot geer mit dae Youssef wille ruule?
7. Oorlog, terreur en versjrikkelik völ geweld
   ´T liek dat er niks angesj mè  is in de welt
   Gelökkig zeen veer op TV auch ein anger berich
   Ein serious request om vrede, dat zeen veer aan os kleinkenjer verplich
8. D’r is eine tied om op te boewe en om aaf te braeke
   Eine tied om te loestere en om te praeke
   Denk noe neit dat´ t neit baat
   Veur ein gebed is ´t nooit te laat.
9. Euverdaag sjient de zon en s’nachts de maon
   D’r is eine tied van komme en eine tied van gaon
   Miene tied om te gaon is noe gekomme, ich höb gezach
   En mesjien wurt hiej nog effe euver naogedach.